Video
Read full review
2013-03-29
267 views
我總共係呢間餐廳食過兩次，今次一次過寫晒出黎。第一次應該係上年年尾既事，個時咁岩係某團購網站見到有優惠，我又一路都想試，咁我呢D師奶仔心態梗係即買啦個次我試左呢個Greek Salad in Pita佢拎到黎個時係熱辣辣既(起碼唔係凍既先@@)入面有好多種唔同既菜：生菜、車厘茄、黑橄欖、青瓜等等，同埋都算新鮮既！對於我呢D草食性動物黎講就梗係鍾意啦，仲多多都唔夠添但有樣要彈既係，佢呢個KEBAB既FETA CHEESE係超級超級勁喪鹹既縱然我如何喜歡芝士，我都覺得鹹到頂唔順，臨尾直情食唔落！食多一啖有腎病都似仲有，或者我本身唔係一個鍾意咁多醬既人，我記得好似同佢講話要中級程度既辣，出到黎個汁一D都唔覺得辣，只係覺得鹹，加埋D好很鹹既FETA CHEESE就變得更鹹！鹹卷一個！搞到我一路食要一路撇走呢兩樣野，食得有D狼狽！但唔鍾意食醬只係我個人既問題(下次或者索性叫走醬仲好)，撇除呢個因素既話個KEBAB係OK既！(不過唔知係我個日肚餓定係點，我食完呢個KEBAB之後都覺得唔係太夠飽)試完呢個咁有中東特色既KEBAB，我對佢餐牌上面既BIRYANI都好有興趣。(因為我成日睇食評都見人話印
第一次應該係上年年尾既事，個時咁岩係某團購網站見到有優惠，我又一路都想試，咁我呢D師奶仔心態梗係即買啦
個次我試左呢個Greek Salad in Pita
佢拎到黎個時係熱辣辣既(起碼唔係凍既先@@)入面有好多種唔同既菜：生菜、車厘茄、黑橄欖、青瓜等等，同埋都算新鮮既！對於我呢D草食性動物黎講就梗係鍾意啦，仲多多都唔夠添
但有樣要彈既係，佢呢個KEBAB既FETA CHEESE係超級超級勁喪鹹既縱然我如何喜歡芝士，我都覺得鹹到頂唔順，臨尾直情食唔落！食多一啖有腎病都似
仲有，或者我本身唔係一個鍾意咁多醬既人，我記得好似同佢講話要中級程度既辣，出到黎個汁一D都唔覺得辣，只係覺得鹹，加埋D好很鹹既FETA CHEESE就變得更鹹！鹹卷一個！搞到我一路食要一路撇走呢兩樣野，食得有D狼狽！但唔鍾意食醬只係我個人既問題(下次或者索性叫走醬仲好)，撇除呢個因素既話個KEBAB係OK既！
(不過唔知係我個日肚餓定係點，我食完呢個KEBAB之後都覺得唔係太夠飽)
試完呢個咁有中東特色既KEBAB，我對佢餐牌上面既BIRYANI都好有興趣。(因為我成日睇食評都見人話印度米係比我地平時食開既長身D，好似好特別咁，對佢好好奇，不過一直都冇機會見到佢既真身)本身都唔知幾時先有機會試到佢嫁啦，因為我平時都好少出街食野既。點知琴日咁岩出開中環，午飯時間經過呢到，係唔知食咩好而又十分肚餓既情況下又走左入去，終於可以一嘗我食印度米既心願！(好，我承認，其實我係有意無意走過去既！)
今次叫左個VEGETABLE BIRYANI WITH SALAD
一拎到黎既時候見佢熱到係咁出煙，顏色又黃又橙又綠咁，勁吸引，加上我又超級肚餓，影完相留低紀錄後即刻開動！一路以黎我淨係知BIRYANI係印式香料炒飯，咁呢個炒飯入面有D咩印式香料呢，我就唔多清楚啦，只係知道將D飯一啖一啖咁放入口既時候有種超級幸福既感覺！(咁係因為我太肚餓啦)
印度米的確係比我平時食開既絲苗米長身D，食落比較粒粒分明，爽身D，都幾好食！
個飯入面除左有D印度香料之外，仲有D菇菇、豌豆、類似豆角既物體但更幼身既，仲有紅蘿蔔、薯仔同椰菜花各一粒@@(我最鍾意呢D但就係得最少)
其實我就唔係好食到D印度香料既味，只不過一路食一路有咖哩味滲出黎，(唔知佢用咖哩汁定粉炒呢？因為食落濕源地既，但係又唔算油)加上佢又熱，呢個飯好難唔好食呢！
同埋佢係超級多飯，縱然我好肚餓都係食唔晒！浪費了！(之後飽到夜晚都唔係幾想食飯！下次有機會再食實叫佢少飯！)
之不過，佢有D飯炒唔勻呢！左右兩邊既飯係白雪雪既，而且係痴埋一餅餅，冇沾上任何印度香料。同埋跟飯個沙律有少少唔太新鮮了，D生菜有黑邊
呢兩點要留意呢！
其實兩次既野食我都覺得OK，同埋唔知點解呢間鋪頭人流唔多，坐得都舒服。
或者下次我應該試下佢既意式簿餅？
Post
