Yo Yo SHAKE (Closed)

近來灣仔開左好多細店，全部都係賣有特色既食物，今次自己一個人走去試下呢間奶昔店YO YO shake個名唔知仲以為係YO MAMA既分店，但係佢地賣既奶昔款式口味好多，同埋有雪糕配搭，單單睇佢地既餐牌，我自己無選擇困難症都諗左幾分鐘先決定要佢地推介特色，最後叫左個夢之雪島，但係佢地話賣左雲喱拿雪糕，咁我唯有改要朱古力狂迷。單睇上面個餐牌，真係少少頭暈，都係簡單叫食佢地既推介雪糕款式唔算太多，但可以自由配搭或者跟佢地既推介食法。朱古力狂迷($38)，朱古力奶昔、朱古力雪糕，黑朱古力，先試左一啖奶昔，口感比較流質，鮮奶味好滑，朱古力味適中，再食一啖雪糕，口感比較化，似係奶昔既雪硬左版本。黑朱古力唔算太苦澀，容易入口。總括黎講，呢個全朱古力既配搭係少少撞味，而且朱古力雪糕既朱古力味比奶昔整淡左，而且亦比較快溶，食到一半雪糕已經溶到同奶昔，雖然奶昔既味道幾好，但呢種全部同一款味道既菜色其實反而令顧客試唔到各樣野原本既味道，或者下次我要番其他口味，應該可以食到各樣野味道出黎。