Al Dente (Closed)

係openrice 介紹下, 又多了這間晚飯好食處星期三晚與一位朋友預先book位去試, 早到了15分鐘, 餐廳巳經8成半滿, 好好人既待應打趣說我們早到這麼多後便安排我們入座, 坐到最近廚房出菜位的2人餐桌坐下後不久巳點菜, 因為看過各位食家的食評後, 點了熱門既"魚子醬三文魚沙律", "燒豬仔骨" 同埋"招牌細size pizza", 落單既女待應是用英文的, 所以我朋友亦用英文點菜. 在送上餐包後, 我開始發覺背部有熱氣攻身, 始知後面的廚部正泡製各種要菜... 最先上菜的當然是沙律, 好足料沙律又新鮮, 食落好清新, 正丫, 上菜速度是適中, 差不多吃完沙律, pizza 就送來, 薄批夠脆, 濃厚既芝士又煙靭有口感, 芝士與批有點藕斷絲連, yummy. 邊食邊傾, 實在是一個好地方, 除左熱了一點外, 最後上場是豬仔骨, 送來先真係嘩了一聲, 份量真係好足好夠, 兩大排的舖充大碟, 仲有好香脆的薯角同伴碟沙律, 豬仔骨的骨子很幼, 吃到是夠鬆化夠入味的肉, 正正正丫. 本想為這餐劃上完美的句號, 但實在很飽吃不下甜品了, 只好留待下一次. 必會再去, 但最好約多幾位朋友去