A Bowl Of (Closed)

呢度係中環嘅一間小店，係由兩公婆開既，男士好有禮貌🤵‍♂️😆見到佢同啲客人都有傾有講，難怪咁多熟客呢度係賣輕食，湯、麵包、咖啡、茶，見到都有國人同埋OL幫襯👯‍♀️我叫左一個巴馬火腿芝士意式三文治🥪首先個包係自家製，有豐富嘅橄欖油味道，而且好脆；跟住你會見到老闆即刻從雪櫃裏取出Ham (Duchessa MEC prosciutto)，即刻喺機到刨出來，火腿份量好有誠意，真係幾多🍔然後仲會有一塊簿簿而濃味既provolone dolce 🧀 、火箭菜、蕃茄仔。成個包嘅份量，真係幾多。對得住呢個價錢☺️加左一個 Tomato Soup 蕃茄濃湯 🍅🥫聽到老闆講話佢係自己煲，無加罐頭材料，飲落口酸酸地，味道真係幾天然😌另外叫咗一杯嘢飲 Latte 咖啡味好順滑，拉花尚可☕️大大杯 因為呢間舖頭其實係主打中國茶，我見到啲外國人都會專登嚟嗌，可謂中西文化交集😗朋友都叫咗兩支嘢飲 - Organic sparkling lemon 有機有汽檸檬 同埋蘋果汁，都好飲，好開胃😗本身呢間店舖仲有啲 🥐 pastry 老闆話係由佢老婆整，不過咁啱今日佢老婆唔得閒，所以就冇賣lu 唔緊要啊，我下次再來❤️