活一鮮 (Closed)

2020 年5月1日星期五今日係五一黃金周，特登行咗落去北角幫襯香港人嘅小店。呢一間店舖6:00開門但係6:30已經坐滿晒人。幸好我係去買外賣自取，但係太多人幫襯所以都要等一段時間。但係絕對值得！我叫咗一份三色丼，揀咗三文魚腩帶子同埋海膽，刺身非常之新鮮，加埋醋飯非常好味。老公就揀咗一份熟食，溫泉蛋汁黑豚丼，豬肉好似用炭火燒過一樣，非常好味。配溫泉蛋一流！最後我哋仲叫咗一份小食就係鯖魚燒，燒得好香，肉質完全鎖住左喺裏面。師傅嘅功夫一流。埋單都係$200多少少，性價比非常高。