Video
Read full review
2023-12-03
1 views
呢間居酒屋非常多元化，唔單只有餐牌上面嘅食物廚師仲有指定嘅食材嚟吸引食客。就好像我今日叫嘅前菜日出原來係冰鎮蕃茄夠晒特別地點位於登龍街嘅永光中心，全層都係食肆好多唔同種類嘅選擇，我今日就揀咗呢間咁特別嘅日本料理，環境清靜，配埋音樂坐得非常舒服，而且店員仲非常有禮貌，會好有心機介紹每一道菜式特上刺身四點盛$388牡丹蝦兩隻，蝦頭好多蝦膏肉質鮮甜又夠爽口，帶子兩片，非常新鮮，又夠厚，拖羅兩片，同油甘魚兩片，呢兩款魚嘅刺身都非常肥美同埋鮮甜土左豆腐$48，豆腐燒到外脆內軟，上面仲有木魚絲，熱辣辣，美味可口串燒極尚鹽燒牛舌$48，牛肉味香濃牛舌上面放有少少鹽，帶有鹹鹹的味道，牛舌好厚身，入口又爽口彈牙，非常有口感荔枝煙肉卷$32，煙肉包住荔枝作為串燒非常特別，原來荔枝同煙肉一齊食都好夾，煙肉燒到一點焦香，入口香口，帶有鹹鹹甜甜的味道，好特別雞翼兩隻$30，雞翼燒完之後都仲好Juicy，雞皮燒到卜卜脆，廚師水準有返咁上下燒菠蘿$22，平時屋企食只會食即切出嚟嘅菠蘿，好少會食到熱辣辣嘅菠蘿，原來燒熱咗菠蘿嘅香甜味更加突出，好好味吞雲吐霧，職員一放低嘅時候已經見到有煙霧嘅效果打卡必備，一開蓋嘅時候仲
地點位於登龍街嘅永光中心，全層都係食肆好多唔同種類嘅選擇，我今日就揀咗呢間咁特別嘅日本料理，環境清靜，配埋音樂坐得非常舒服，而且店員仲非常有禮貌，會好有心機介紹每一道菜式
特上刺身四點盛$388
牡丹蝦兩隻，蝦頭好多蝦膏肉質鮮甜又夠爽口，帶子兩片，非常新鮮，又夠厚，拖羅兩片，同油甘魚兩片，呢兩款魚嘅刺身都非常肥美同埋鮮甜
土左豆腐$48，豆腐燒到外脆內軟，上面仲有木魚絲，熱辣辣，美味可口
串燒極尚鹽燒牛舌$48，牛肉味香濃牛舌上面放有少少鹽，帶有鹹鹹的味道，牛舌好厚身，入口又爽口彈牙，非常有口感
荔枝煙肉卷$32，煙肉包住荔枝作為串燒非常特別，原來荔枝同煙肉一齊食都好夾，煙肉燒到一點焦香，入口香口，帶有鹹鹹甜甜的味道，好特別
雞翼兩隻$30，雞翼燒完之後都仲好Juicy，雞皮燒到卜卜脆，廚師水準有返咁上下
燒菠蘿$22，平時屋企食只會食即切出嚟嘅菠蘿，好少會食到熱辣辣嘅菠蘿，原來燒熱咗菠蘿嘅香甜味更加突出，好好味
吞雲吐霧，職員一放低嘅時候已經見到有煙霧嘅效果打卡必備，一開蓋嘅時候仲冒出蘋果木煙燻嘅香味，六粒迷你嘅芝士經過燒之後，令到芝士味出晒嚟，芝士非常軟身，又唔會乾，芝士入口花開非常香濃，連埋紫菜天婦羅一齊食口感特別，值得推薦
馬友一夜乾，魚嘅外層煎到非常香脆，份量仲非常大，味道又足夠，加埋啲檸檬汁，令到魚嘅味道更加清新，魚骨偏大，容易拆開，食得方便魚肉仲非常嫩滑，又有飽肚感
日出蕃茄啫喱$68， 蕃茄肉中間有啫喱入口夠晒，特別是一道香甜清新嘅前菜，值得推介
Post
