家香 (Closed)

今日經朋友介紹book咗呢間餐廳同男朋友撐枱腳。入去餐廳第一個感覺係好舒服，光線柔和，同埋枱面點咗蠟燭。點餐個時，員工超好，會用心介紹每個餸會點煮，份量。我哋嗌咗梅菜肉餅流心蛋，幾特別的，係炸咗嘅梅菜肉餅盛住流心蛋。 之後有嗌咗東波肉牛肋骨，呢個都幾好味，唔會好heavy，因為我本身好怕好咸好濃味嘅嘢。然後，我哋仲嗌咗雲吞雞湯，佢係西式雲吞加煲咗十個鐘嘅雞湯，我覺得雞湯幾好嘅，清清地，但我就唔識分辨佢係咪真係整咗十個鐘，雲吞就麻麻地，覺得淨湯已經very good。 最後main dish 食咗三文魚刀削麵，係朋友介紹話好好味，但我就麻麻地鍾意，覺得佢個三文魚配刀削麵個味唔係好夾。 最後，係食咗個奶黃心太軟，好好味！奶黃加strawberry同埋花生碎好match。