麵屋武蔵 武骨相傳 (朗豪坊)

Open Now

Now Closed

今日復活節假期去咗旺角行街。到咗晚飯時間諗住去朗豪坊搵吓嘢食，發現有呢一間食拉麵同沾面嘅鋪頭。見到冇太多人等緊就諗住試吓。佢嘅沾麵有別於平時一向食開嘅”周月”~ 唔需要擇湯底淡定濃，或麵嘅分量同硬度。我叫咗佢地介紹嘅二刀流沾麵，原味豬骨湯。(可以選擇湯底有三種：原味，辛味，黑蒜味。)成個麵每一部份都真心覺得好好味！😋😋😋•湯底： 一啲都唔肥膩，飲落好似有啲薯仔蓉嘅感覺，質感好濃稠。攪勻之後發現原來個底有啲醬油，令到個湯重咗少少醬油味 ☺️•沾麵：好煙韌好有咬感🤓•叉燒：有啲慢煮肉嘅口感，但係柔軟而結實，亦帶有鮮甜嘅味道 🙂•豚角：同叉燒唔同，肉嘅當中有啲肥膏🐽，醃出嚟嘅醬油味重啲•流心蛋：流心度啱啱好，幾次夾麵時都唔小心沾到D蛋汁🤭另外，環境都幾舒適清潔，服務態度亦OK。外賣便當 - 見到其他人嗌嘅外賣便當包裝幾好，下次會試吓買返屋企食。