川館 (大王東街)

Open Now

Now Closed

灣仔大王東街呢邊都有好多唔同類型嘅餐廳，今晚辣癮到，想食四川烤魚見到呢間門口掛住好多紅燈籠，入面又有好多唔同嘅壁畫夠晒古色古香。叫咗個麻香花椒烤魚小辣，上枱時用一個大鍋裝住，用上原條炸清江魚，再有各種配料有大豆芽、豆卜、蓮藕、青花椒、辣椒同芫荽。最抵讚嘅係清江魚一啲都唔多骨，可以大啖大啖盡興地食。而烤過後既魚皮都彈牙香口，魚肉都仲好嫩滑。湯底麻香後勁十足，識到條脷麻痹晒好過癮。仲咗螞蟻上樹，呢款其實係肉碎炒粉絲，粉絲夠晒煙韌，味道很惹味。食咗好多辣嘢，我哋重點咗個紅糖冰粉解一解辣。上面用上白涼粉，再加好多唔同嘅果乾配料，酸酸甜甜解辣得來又好開胃，夠晒清涼。整體川菜都10分正宗味道又高質，下次都會再幫襯。