Video
Read full review
2022-07-07
408 views
🇵🇰Bookmark 左一段時間既TRIBES ，大家都知道我近日排迷上左印度菜，呢一間餐廳喺印度菜嘅朋友，巴基斯坦菜，咁即係Friend 啦，更加要試吓，由巴基斯坦籍廚師主理，非常地道正宗，餐廳位於金馬倫道，地理位置非常方便，一上到去最吸引就係個店舖招牌，有一幅用玻璃樽裝住嘅香料牆，中間就是招牌，好明確話俾你知巴基斯坦菜都係用多種香料烹調😋😋餐廳裝修都好有特色，有好多唔同巴基斯坦嘅飾物，掛畫，吊燈，環境一流，座位非常寬躺，仲有向街落地玻璃嘅梳化位，好適合三五知己邊食邊傾偈👍🏻👍🏻▪️Golggappe $ 68印度常見的一種街頭小吃，為空心的油炸球，用手指在上面按出一個洞來，填上馬鈴薯泥、洋蔥、番茄、豆類等等，再澆上一種綠色的非常酸的湯汁，第一次食覺得幾得意，這裏的綠色湯汁有點類似酸梅湯加咗少少鹽，整體味道唔錯▪️Chicken Makhni $ 128奶油咖喱雞我哋點咗半份，都有成10件雞，份量非常慷慨，醬汁用咗超級多香料微微辣，食嘅時候仍然會食到粒粒香料碎，雞件非常入味，超級惹味，醬汁用嚟配Naan 好好食▪️Garlic Naan $ 38每次食Naan 都一定要食蒜蓉味，這裏的N
🇵🇰Bookmark 左一段時間既TRIBES ，大家都知道我近日排迷上左印度菜，呢一間餐廳喺印度菜嘅朋友，巴基斯坦菜，咁即係Friend 啦，更加要試吓，由巴基斯坦籍廚師主理，非常地道正宗，餐廳位於金馬倫道，地理位置非常方便，一上到去最吸引就係個店舖招牌，有一幅用玻璃樽裝住嘅香料牆，中間就是招牌，好明確話俾你知巴基斯坦菜都係用多種香料烹調😋😋
餐廳裝修都好有特色，有好多唔同巴基斯坦嘅飾物，掛畫，吊燈，環境一流，座位非常寬躺，仲有向街落地玻璃嘅梳化位，好適合三五知己邊食邊傾偈👍🏻👍🏻
▪️Golggappe $ 68
印度常見的一種街頭小吃，為空心的油炸球，用手指在上面按出一個洞來，填上馬鈴薯泥、洋蔥、番茄、豆類等等，再澆上一種綠色的非常酸的湯汁，第一次食覺得幾得意，這裏的綠色湯汁有點類似酸梅湯加咗少少鹽，整體味道唔錯
▪️Chicken Makhni $ 128
奶油咖喱雞我哋點咗半份，都有成10件雞，份量非常慷慨，醬汁用咗超級多香料微微辣，食嘅時候仍然會食到粒粒香料碎，雞件非常入味，超級惹味，醬汁用嚟配Naan 好好食
▪️Garlic Naan $ 38
每次食Naan 都一定要食蒜蓉味，這裏的Naan 係原塊上，份量仲要大過我塊面，餅邊皮香脆中間好煙韌，面頭見到蒜蓉粒同埋溶化既牛油，好好味😋😋
▪️Kalwanji Naan $ 38
本來我哋打算只係叫一份Naan ，跟住老細話一件一定唔夠食，我哋唯有聽從，佢介紹咗呢個黑色小茴香既烤餅，一上枱以為係芝麻，這個烤餅味道比較清，但係會食到粒粒小茴香嘅味道，非常唔錯，但係最後都係食剩少少😎
▪️Virgin Mojito $ 58我哋對住吧枱，遠遠就見到職員，攞住支棒，係咁打碎啲青檸同埋芫荽，就知道一定好味，賣相好靚，味道如我哋所料，超級香濃青檸芫荽味，好足料，食完辣嘢非常解渴
▪️Mango Lassi $ 48
每次食印度嘢我一定會飲，暫時呢杯係排第一名，喜歡呢度既Mango Lassi 比較重芒果味，乳酪和牛奶打得好細滑，而且唔太甜，我鍾意
Post
