霸王川莊 (Closed)

呢間水煮魚一直都係我同老公的飯堂，每個月都一定最少食一次。每次都會叫桂花水煮魚，老公唔食得太辣，所以都係食1辣。港式水煮魚好多時湯底都會太喊，但呢度一d都唔會太喊重好香。雖然1辣對於我黎講一定係唔夠辣，不過魚片好滑肉又唔會散，水晶粉吸曬味又夠煙煙韌韌。叫水煮魚會送4個配菜，配菜的分量都好多，不過兩個人都食得曬。另外推薦呢個巨型水果茶，$138蚊，平時出街食飯好少會叫3，40蚊的飲品，覺得唔抵飲，但呢個水果茶，起碼夠8杯，4個人飲都夠，果味濃，入面真材實料。就算我同老公兩個人去都會叫，勁正。