Video
Read full review
2019-04-30
1055 views
朋友話之前經過呢間萬豚屋排晒長龍，呢晚就搵埋我陪佢試下食！烏冬花款好多，不論係湯底、配料，定整法。我哋就叫咗一個比較多人食嘅石鍋烏冬、一個比較特別嘅咖哩烏冬，配兩個小食，全部都係「料理長推介」架！首先講下小食！好食喎！🤩尤其推介墨魚炸彈！墨魚炸彈（$48）墨魚炸彈用咗墨魚滑包住一隻蛋，蘸上炸粉攞去炸，蛋整到半熟，仲有流心效果添！外層脆卜卜，墨魚就彈牙，而流心蛋就軟淋淋，口感豐富👍🏽另外仲有炸蟹柳，不過就比墨魚炸彈搶晒風頭啦！🤣木魚豚肉玉子燒（$52）另一個小食係都好多人推介嘅玉子燒～餡料好多，有蟹柳絲、椰菜，最緊要係有叉燒，非常特別嘅配搭！出面食嘅玉子燒通常層蛋會好厚，包好多層；而呢到嘅玉子燒就只有薄薄嘅一層，所以餡料好易跌晒出嚟。同埋鍾意食好厚嘅玉子燒嘅朋友可能會嫌呢個蛋太薄😛之後就到烏冬喇！烏冬有四種湯底揀🥣：魚介豬骨濃湯、香菌濃湯、香辣三色味噌湯、黑蒜油豚骨湯。厚切豚肉手打烏冬（香菌濃湯）（$88）我哋就揀咗香菌濃湯🍄，係用豬骨湯加入大菇整成嘅，菇味好濃郁，而且仲有黑松露醬，一齊食嘅話會好香！我哋都好鍾意呢個湯底！另外因為佢用個石鍋嚟裝住，所以一路食到仍然keep到好高嘅溫度，抵
朋友話之前經過呢間萬豚屋排晒長龍，呢晚就搵埋我陪佢試下食！
烏冬花款好多，不論係湯底、配料，定整法。我哋就叫咗一個比較多人食嘅石鍋烏冬、一個比較特別嘅咖哩烏冬，配兩個小食，全部都係「料理長推介」架！
首先講下小食！好食喎！🤩
尤其推介墨魚炸彈！
墨魚炸彈
$48
20 views
0 likes
0 comments
墨魚炸彈用咗墨魚滑包住一隻蛋，蘸上炸粉攞去炸，蛋整到半熟，仲有流心效果添！
外層脆卜卜，墨魚就彈牙，而流心蛋就軟淋淋，口感豐富👍🏽
另外仲有炸蟹柳，不過就比墨魚炸彈搶晒風頭啦！🤣
木魚豚肉玉子燒（$52）另一個小食係都好多人推介嘅玉子燒～
餡料好多，有蟹柳絲、椰菜，最緊要係有叉燒，非常特別嘅配搭！
出面食嘅玉子燒通常層蛋會好厚，包好多層；而呢到嘅玉子燒就只有薄薄嘅一層，所以餡料好易跌晒出嚟。
同埋鍾意食好厚嘅玉子燒嘅朋友可能會嫌呢個蛋太薄😛
之後就到烏冬喇！
烏冬有四種湯底揀🥣：魚介豬骨濃湯、香菌濃湯、香辣三色味噌湯、黑蒜油豚骨湯。
厚切豚肉手打烏冬
$88
39 views
0 likes
0 comments
我哋就揀咗香菌濃湯🍄，係用豬骨湯加入大菇整成嘅，菇味好濃郁，而且仲有黑松露醬，一齊食嘅話會好香！我哋都好鍾意呢個湯底！
另外因為佢用個石鍋嚟裝住，所以一路食到仍然keep到好高嘅溫度，抵讚！👍🏽
豚肉係餐廳自家製嘅，好厚嘅一片，肉質軟嫩多汁，入口即化，半肥瘦，更加食到豚肉嘅油香味😋烏冬係手打嘅，非常彈牙，好食！
忌廉黑蒜咖哩炸雞手打烏冬（$88）最後就係呢個忌廉咖哩烏冬喇🍲
咖哩有少少辣，幾開胃的。
炸雞份量唔少，而且炸得啱啱好，仲保持到入面嘅肉汁，唔會好乾。
最後我哋仲叫咗個甜品！呢個cake set幾抵呀，$32有蛋糕仲配嘢飲。
伯爵茶芝士凍餅
$32
14 views
0 likes
0 comments
食落質感好似雪糕蛋糕咁，伯爵茶味勁香濃，好鍾意！
本格香滑奶茶(凍) （跟餐）揀咗奶茶跟蛋糕set。
奶茶係港式奶茶，奶茶濃滑，好飲～
糖水係另外上，可以自己調較甜度👍🏽
總括嚟講好滿意，下次再試下其他款式先！🤤
menu：
Post
