西樹泡芙 (T Town)

Open Now

Now Closed

屋企附近開左西樹泡芙，一直都無機會試，今日趁住打風無街去，一於買黎試下。店名係「西樹泡芙」，當然係主打泡芙啦，除此之外，都有各式各樣嘅飲品選擇。泡芙有多款味道，我揀左「北海道牛奶泡芙」 同「芒果乳酪泡芙」。北海道牛奶泡芙泡芙入面除左夾著香滑嘅忌廉之外，仲有一大舊牛奶布丁，牛奶味香濃，唔算好甜。芒果乳酪泡芙大大舊泡芙入面夾住勁多大大粒嘅芒果粒，食落酸酸甜甜，配埋乳酪忌廉先食，比起純忌廉 無咁滯。口感方面，泡芙外皮微脆，咬落鬆軟，每一口都食到cream ,非常香滑，甜而不膩。下午茶食泡芙再嘆返杯飲品都係唔錯嘅配搭，我地揀左「芒果抹茶」同「白玉鮮奶焙茶」。芒果抹茶抹茶味相當香濃，配埋芒果粒粒，非常爽口，甜度同冰亦都可以因應個人口味而選擇，非常貼心。白玉鮮奶焙茶柔滑的日本焙茶加上熱鮮奶，入口香滑，配埋白玉，煙煙韌韌，勁有口感，值得一讚。