Video
Read full review
2023-10-15
229 views
青衣呢間泰國餐廳有意外驚喜。一入去見到餐廳環境唔錯，多數以卡位為主，座位寬敞，無論係情侶定係一家大細，都方便傾計。餐牌見到好多地道既泰國菜都有，套餐非常抵食，一個2人套餐已經可以揀三個菜式。泰式胡椒燒春雞 必試！肉嫩多汁，好入味。隔離仲有個甜酸汁跟配，講雞肉點埋個汁一齊食都好夾，酸酸甜甜好開胃。泰式小食拼盤（小）雖然係細size，但係份量一啲都唔少。炸物非常新鮮，入口時仲係熱辣辣。炸雞翼除左金黃香脆之外，仲好鹹香；炸蝦餅外面酥脆，裏面彈牙；春卷裏面有有蔬菜餡，食落唔會覺得乾。馬拉盞肉碎炒通菜份量非常大，通菜炒得好有鑊氣。有蝦膏味但唔會太鹹，啱啱好。套餐仲可以半價換購飲品，每杯都只係13蚊，我地叫左一杯珍多冰同一杯鹹檸七。珍多冰好多料，椰汁非常濃郁，一杯份量都好大。最後我地都加配左甜品拼盤（小）$42，已經有齊椰汁西米糕、泰式千層糕同奶茶凍各兩件。椰汁西米糕西米好多，椰汁味好重；泰式千層糕有驚喜，好煙韌！
餐牌見到好多地道既泰國菜都有，套餐非常抵食，一個2人套餐已經可以揀三個菜式。
泰式胡椒燒春雞
必試！肉嫩多汁，好入味。隔離仲有個甜酸汁跟配，講雞肉點埋個汁一齊食都好夾，酸酸甜甜好開胃。
泰式小食拼盤（小）
雖然係細size，但係份量一啲都唔少。炸物非常新鮮，入口時仲係熱辣辣。炸雞翼除左金黃香脆之外，仲好鹹香；炸蝦餅外面酥脆，裏面彈牙；春卷裏面有有蔬菜餡，食落唔會覺得乾。
馬拉盞肉碎炒通菜
份量非常大，通菜炒得好有鑊氣。有蝦膏味但唔會太鹹，啱啱好。
套餐仲可以半價換購飲品，每杯都只係13蚊，我地叫左一杯珍多冰同一杯鹹檸七。珍多冰好多料，椰汁非常濃郁，一杯份量都好大。
最後我地都加配左甜品拼盤（小）$42，已經有齊椰汁西米糕、泰式千層糕同奶茶凍各兩件。椰汁西米糕西米好多，椰汁味好重；泰式千層糕有驚喜，好煙韌！
Post
