Siam 28 (中國保險大廈) (Closed)

Siam 28（尖沙咀）今日同大家介紹呢間泰國餐廳，餐廳環境裝修唔錯，亦有聖誕氣氛，食物方面都非常有特色，而店員服務好好，仲會為你介紹菜式。炸青木瓜沙律（$99）呢個沙律口感好特別，炸得非常香脆但又帶點鬆軟，配埋特製嘅醬汁，超級好食😋。地道泰式海鮮筒（$218）海鮮份量十足，有帶子、蝦、青口、蜆同八爪魚，味道非常惹味，因為佢嘅醬都幾辣下🥵，海鮮都係新鮮嘅，仲有啲粟米幾甜幾好食🌽。泰式濕炒海鮮麵（$122）飛天麵嘅造型啱哂打卡影相📷，由於啲麵已經炸脆咗，要淋啲醬汁一齊食，海鮮份量都幾多😎，兩個人食都飽。冬瓜龍眼茶（$22）清清甜甜，仲有龍眼肉可以食。菠蘿青檸蜜（$22）酸酸甜甜，幾開胃。