泰皇雞

Open Now

Now Closed

近一個月熱到無乜胃口，今晚就想整返餐開胃泰菜食飽啲，行到水貨街附近見到泰皇雞好似好多人等外賣就入去望望，睇完餐牌都想試，同埋都廢事再行咁遠搵其他嘢食就坐低算。睇相啲海南雞似乎好正，但下次再試。今次試咗個豬髀飯先，豬髀啲色水滷得唔錯，味道都算幾好。另外仲叫咗個扎肉船麵，個湯濃郁惹味，金邊粉都好食，最後仲飲曬成碗船麵湯，非常之咁正。我哋另外仲嗌咗個蝦餅小食，好好咬口，非常咁彈牙，真係整得好好食，算係喜出望外，下次過嚟試埋其他小食。整體來講，食物水準高，店員服務好，呢間一定會再 encore。