Video
Read full review
2015-08-26
528 views
其實去尖沙咀食嘢咁多次，都真係未去過諾士佛台食，因為我成日都覺得嗰度係酒吧多，點知，原來……有好多好嘢食架今晚主角係泰菜，我係一個好得意嘅人，我好鍾意食泰菜、韓國菜，但係我好唔鍾意去泰國、韓國，唔知點解，我都解釋唔到，呢兩個地方我都係只去過一次，但係佢地嘅菜式我好鍾意~~泰菜我尤其鍾意泰式生蝦，無論去親邊間泰國菜館，只要有生蝦，我一定會order酸辣鳳瓜 - 因為我啲牙唔太好，所以好少食無骨鳳爪，但係呢個真係好味，唔會太辣，雖然配青檸汁，但係又唔會太酸，出面有啲一味得辣，一係就好酸，呢個就啱啱好~~泰式生蝦刺身 - 食泰國嘢點可以無生蝦，呢個必食喇，不過佢呢個生蝦汁的確幾辣，但係……我鍾意，酸度啱啱好，唔會因為啲辣味而蓋過酸味，另外隻蝦都好爽口小食拼盤 - 有蝦春卷、豬頸肉、申燒、炸蝦餅豬頸肉好爽口，燒到啱啱好，唔會太燶，蝦春卷好香脆，但係春卷皮入面包咗啲咩呢﹖ 我估係蝦膠，炸蝦餅又係好好味，唔知點解好似同我平時食開嘅有啲唔同，好似特別彈牙，另外佢拼盤有4款醬汁，每一款都同個拼盤食物好夾青芒果軟殼蟹沙律 - 都辣辣地，同埋好似酸咗少少，幾開胃燒原隻魷魚 - 出面有啲燒魷魚會燒到好乾，但
今晚主角係泰菜，我係一個好得意嘅人，我好鍾意食泰菜、韓國菜，但係我好唔鍾意去泰國、韓國，唔知點解，我都解釋唔到，呢兩個地方我都係只去過一次，但係佢地嘅菜式我好鍾意~~
泰菜我尤其鍾意泰式生蝦，無論去親邊間泰國菜館，只要有生蝦，我一定會order
酸辣鳳瓜 - 因為我啲牙唔太好，所以好少食無骨鳳爪，但係呢個真係好味，唔會太辣，雖然配青檸汁，但係又唔會太酸，出面有啲一味得辣，一係就好酸，呢個就啱啱好~~
泰式生蝦刺身
$128
97 views
1 likes
0 comments
泰式生蝦刺身 - 食泰國嘢點可以無生蝦，呢個必食喇，不過佢呢個生蝦汁的確幾辣，但係……我鍾意，酸度啱啱好，唔會因為啲辣味而蓋過酸味，另外隻蝦都好爽口
小食拼盤 - 有蝦春卷、豬頸肉、申燒、炸蝦餅豬頸肉好爽口，燒到啱啱好，唔會太燶，蝦春卷好香脆，但係春卷皮入面包咗啲咩呢﹖ 我估係蝦膠，炸蝦餅又係好好味，唔知點解好似同我平時食開嘅有啲唔同，好似特別彈牙，另外佢拼盤有4款醬汁，每一款都同個拼盤食物好夾
青芒果軟殼蟹沙律 - 都辣辣地，同埋好似酸咗少少，幾開胃
燒原隻魷魚 - 出面有啲燒魷魚會燒到好乾，但係呢個唔會，重係好Juice，唔太燶，所以唔會好難咬
飛天炒通菜
燒遙特式炒飯
Peter Headlands Sauvignon Blanc
$400
34 views
0 likes
0 comments
燒遙特式炸魚
$248
21 views
0 likes
0 comments
燒遙特式炸魚 - 炸魚汁好味，有少少酸辣味，但係絕對係提升個魚嘅味道，另外佢魚上面有啲沙律，可能因為酸酸地，所以同個炸魚好夾，另外用生菜包住沙律同魚一齊食，可以減少啲油膩感覺
泰式炒金邊粉
華欣特色咖喱蟹
$328
42 views
0 likes
0 comments
燒虎蝦 - 虎蝦，絕對係好味之選，我最鍾意食海鮮，尤其蝦、蟹，個蝦爽口彈牙，呵呵，好滿足嘅一晚
泰式爆炸豬手 - 用泰式卥水卥咗一晚，風乾之後再炸，皮脆內嫩，配菜有燒菠蘿、燒露荀、燒翠肉瓜，食呢個豬手，個汁有兩款，有咖喱汁同泰式生蝦啲生蝦汁，個咖喱同豬手好夾
椰青糕 - 呢個椰青糕，好清甜，可以消油膩感覺
芒果椰汁糯米飯 - 幾日前突然唔知點解好想食，今晚終於食到，超開心，個芒果好甜~
Post
