丼丼屋 (德福廣場) (Closed)

晚餐時間諗唔到食咩，最後都係因為見無人排隊，直接去食丼丼屋。例牌的玉子芝士，又厚又軟綿，不過今次芝士好似太少，如果有流心就更吸引。金菇肥牛卷，個汁鹹中帶甜，唔會過於濃味。肥牛有少少過熟，但入口都唔會難咬，可以接受。三文魚籽海膽丼，賣相非常吸引，平時唔影相的朋友都要相機食先。無諗過海膽係熟，入口好綿好軟，唔會有腥味或臭味，連我平時無特別喜歡海膽都食左大半碗。三文魚籽好新鮮，每粒都鮮甜，配埋海膽都幾夾。值得一提係飯底，事先用湯汁煮過，比起白飯味道更高層次。最後點多一客魚生飯，以大堆頭的密鋪魚生取勝。最愛超大隻赤蝦，肥美甘甜，入口少少黏糯感，好好味！