六合小廚 (Closed)

喺咁凍既天氣底下最岩就係食熱辣辣既野啦，今次同朋友黎到呢間港式餐廳食小菜，呢間餐廳喺尖沙咀，好方便！呢度有好多唔同款既小菜，真係好難揀啊，係食肉獸既我地就揀左三個小菜，兩樣肉一樣菜！第一個係蘿蔔清湯牛腩煲，冬天食呢道菜真係好正，食完成個人暖笠笠！牛腩煲得好腍好入味，再加埋鮮甜既蘿蔔，正！另外，我地仲點左個梅菜扣肉煲，扣肉好肥美，雖然有啲邪惡，但係忍唔住係咁食！最後，我地叫左一個健康既帶子炒西蘭花，帶子鮮甜。