農耕記 湖南土菜 (黃大仙中心北館)

Open Now

Now Closed

🍀農耕記🍀既菜式有辣有唔辣，今次一口氣同屋企人試左5款菜式，包括有鮑魚辣椒炒肉🌶🥩、蒜蓉粉絲蝦仁🦐、家常炒絲瓜🥗、茶油炒土雞同酸菜魚🐟蒜蓉粉絲蝦仁上枱後淋上秘制酱汁先開火蒸，仲有沙漏⏳計時保證唔會煮過頭，一打開滿滿既蒸氣帶有蒜香，蝦仁爽口彈牙，粉絲加上醬油同鮮蝦味好正！鮑魚辣椒炒肉同白飯係最佳配搭，軟皮椒加上蒜頭同肉片一齊炒，夠香夠惹味，辣得又夠過癮，配埋大大杯檸檬茶，足足有一公升，解辣又消暑！湖南攸县白玉絲瓜我都好鍾意，絲瓜味道好清甜，切成薄片配上特製上湯好好味呀！酸菜魚份量十足，魚肉又滑又冇骨，仲有萵筍、酸菜同金菇等等配料，最底仲有超入味嘅薯粉！甚至連埋魚湯都可以飲左！茶油炒土雞既香油好香，雞肉夠紮實且雞味濃郁，加上木耳一齊煮，色香味俱全！