Video
Read full review
2017-07-03
328 views
香港仔係細個成日都上課外活動嘅社區已經好耐冇嚟過呢度難得嚟到梗係周圍搵下有冇好嘢食啦物是人非 原來呢度已經改變左好多 多咗好多新餐廳又比我哋搵到一間新開嘅日式火鍋放題喎.行入去眼望四周乾淨企理 我哋都唔係好識用所以就揀咗最平嘅選擇 ＄118 90分鐘可以任食美國黑豚肉同埋其他火鍋配料 另外我哋仲加左一碟$168嘅手切j級大雪肥牛.可以自己調配醬汁 啲豉油加埋嗰啲炸蒜都幾好味架 不過芝麻醬就稍為希咗啲 鍾意清新嘅話柚子醋就啱晒啦.湯底呢我哋就揀咗黃金雞木瓜椰子湯 好清甜我飲咗好多佢啲雞件係上枱先放落去嘅 所以一啲都唔老好嫩滑 只要跟着個漏斗當時間夠就食 點埋佢秘製嘅青檸胡椒醬汁 真係好好味大力推介.肉類方面 任點嘅黑豚肉切得好薄 平時我唔鍾意食豬肉但係都覺得唔錯 食咗幾多下 就算主煮得耐都唔會老要加錢嘅手切牛肉呢系好淋身嘅雪花分布得好細緻 唔會食到有啲肥膏 不過片數就少啲好似唔抵.出邊飲攞嘅配料咁有成40樣 好豐富想食乜就有乜 仲有三款熱食 食物都幾新鮮 最好食係芝士丸同埋各式各樣嘅青菜最唔好食係紅腸同埋午餐肉嘢飲嘅選擇都有啲除咗有紙包飲品之外仲有芝麻豆漿同埋原味豆漿甜品呢就得雪糕姐 有
已經好耐冇嚟過呢度
難得嚟到梗係周圍搵下有冇好嘢食啦
物是人非 原來呢度已經改變左好多 多咗好多新餐廳
又比我哋搵到一間新開嘅日式火鍋放題喎
.
行入去眼望四周乾淨企理 我哋都唔係好識用所以就揀咗最平嘅選擇 ＄118 90分鐘可以任食美國黑豚肉同埋其他火鍋配料 另外我哋仲加左一碟$168嘅手切j級大雪肥牛
.
可以自己調配醬汁 啲豉油加埋嗰啲炸蒜都幾好味架 不過芝麻醬就稍為希咗啲 鍾意清新嘅話柚子醋就啱晒啦
.
湯底呢我哋就揀咗黃金雞木瓜椰子湯 好清甜我飲咗好多
佢啲雞件係上枱先放落去嘅 所以一啲都唔老好嫩滑 只要跟着個漏斗當時間夠就食 點埋佢秘製嘅青檸胡椒醬汁 真係好好味
大力推介
.
肉類方面 任點嘅黑豚肉切得好薄 平時我唔鍾意食豬肉但係都覺得唔錯 食咗幾多下 就算主煮得耐都唔會老
要加錢嘅手切牛肉呢系好淋身嘅雪花分布得好細緻 唔會食到有啲肥膏 不過片數就少啲好似唔抵
.
出邊飲攞嘅配料咁有成40樣 好豐富想食乜就有乜 仲有三款熱食 食物都幾新鮮 最好食係芝士丸同埋各式各樣嘅青菜最唔好食係紅腸同埋午餐肉
嘢飲嘅選擇都有啲除咗有紙包飲品之外仲有芝麻豆漿同埋原味豆漿
甜品呢就得雪糕姐 有原味同埋綠茶味 可以加啲配料例如朱古力針 透明QQ 同埋薄荷爆珠 我食咗綠茶味 雖然唔係話好好食 但係都叫做好食過麥當勞
.
總括嚟講食物種類選擇 多價錢又唔算貴 食到好飽都唔過＄200一個人 係一個想食好啲但係又唔想太嘥錢嘅好選擇
Post
