芒果冰 (Closed)

去西貢逛逛,又唔想食海鮮，所以誤打誤撞就入左呢間舖食漢堡。蘑菇芝士漢堡 - 個漢堡好大個，一啖係食唔到㗎！個包佢烘左少少，所以有少少脆。漢堡扒好厚身，佢整得剛剛好，仍然鎖住啲肉汁。蘑菇也炒得好香，沙律菜淋上少少沙律汁，增加整個味覺的層次。Fish & Chips - 魚嘅炸漿整得厚左少少，但魚都算滑，薯條都好味。芒果沙冰 - 好濃芒果味，芒果汁同冰嘅比例好好。一路食fish & chip 一路飲沙冰，簡直係人生一大享受。整體而言，值得一試。坐在海邊食足料漢堡，價錢又大眾化。