MOO MOO

Open Now

Now Closed

收工喺觀塘突然間好想食漢堡包，行過鴻圖中心見到呢間餐廳就入嚟。一睇個餐牌，發現原來呢度都幾抵食，品質又好，推介大家都過來食！呢度有室內又有室外，咁啱今日天氣涼涼哋，本來都想坐室外，點知見到室內裝修都幾靚，有美式diner feel，有bar枱又有沙發位，最終就揀咗坐室內。我叫咗個美式之堡同肉汁芝士薯條，朋友就叫咗個白菌之堡同芝士肉醬薯條。我哋分咗一半嚟食，兩個漢堡包都超級好味，超級有牛肉味，仲要個煙肉係真係美式煙肉，好正！至於薯條方面，香港唔多地方有肉汁芝士薯條，呢度做得好好，重芝士味，落重料！