潮州邨 (Closed)

成日食泥食去都係日本料理．飲茶咁，今次搞搞新意思。一於同一大班朋友一齊去試下正宗潮州菜。一入門口已經有人招呼問你幾位，一埋位就叫左個招牌鹵水鵝肝，潮州炒河，地魚炒芥蘭，炒魚麵，蠔餅，一窩蠔粥，潮和骨等等泥試。招牌鹵水鵝肝：一個字滑。咬落極為甘香，又唔油膩，滿口微微花椒八角既香味縈迴不絕。正!！潮州炒河：有微微既沙爹既，幾香。加埋爽脆既芥蘭粒，口感好豐富，係一個普通而出色既少河。地魚炒芥蘭：地魚香口，如果鐘意食芥蘭既人必食炒魚麵：炒得香口，有牙菜更加爽口，不過好似太多牙菜，少番ｄ會更加好味！蠔餅：完全唔似大排當果ｄ咁油膩，用煎既方法食得更加健康，而且好有蠔仔味，連唔中意食蠔仔既朋友都食左一大舊，真係估唔到。蠔粥：當時可能大家都有ｄ飽，有少少食唔落，但係個湯底好鮮，問左先知要用老雞，大地魚同其他材料熬成三四個鐘，唔怪得之咁鮮，不過淨係飲左湯。潮和骨：係腩排加秘制醬汁。食落辣辣地，又甜甜地，岩晒後生仔胃口。而且送飯一流！食左咁多，朋友都飽晒，個個都食到捧住個肚，服務都幾好～老細又會同ｄ客傾計，氣氛好熱鬧。下次一定再試其實菜式！的確係值得一試。