太平飯店 (Closed)

旁邊就係北角站出口，間中仲有啲旅行團經過，所以店外都幾繁忙。店面較細，擺枱較逼，但喺非繁忙時間都算坐得舒服。亦見幾多人買外賣。滷水鵝片 - 張墊枱紙話係底脾肉，所以好珍貴。滷水汁味道啱啱好，唔會越食越鹹，可惜係今次明顯片薄咗，而且墊底嘅肉都少咗，感覺冇咁抵食。海蜇拼墨魚 - 依然好味，特別係墨魚，但以前用鵝片嗰款圓碟裝份量較多。方魚肉碎粥 - 好足料，今次米同水嘅比例啱啱好。因為有時會多水少米唔夠飽，有時就少水多米食到好飽。蠔餅 - 都幾油，味道一般，同以前食過另一間嘅蠔餅無得比。