江南瀨粉 (福榮街) (Closed)

之前同朋友覓食，見到深水埗呢間餐廳幾特別又幾多人就決定入去試下。由於我地嗰日好肚餓，所以就叫左好多野食😋我哋總共叫咗兩個瀨粉丶兩個小食丶兩杯嘢飲。第一個瀨粉，我哋叫咗麻辣鮮制瀨粉，呢個係有少少辣嘅，再配左魚肉，水餃，白灼鵝腸，韮菜，白菜，我哋比較鍾意個水餃，有好多餡。第二個瀨粉，我地叫咗清湯鮮製瀨粉，有牛筋、豬膶、魚蛋、片頭、生菜、木耳絲。我哋比較鍾意呢個配搭，因為豬膶唔會太肥，成個配搭亦都唔會太濟。小食方面，我我哋叫咗酥炸雲吞同酥炸蝦卷。不得不說，我哋真係超鍾意食佢嘅小食，因為好爽口，但又唔會太熱氣。嘢飲方面，我哋亦都叫咗凍奶茶同凍檸檬茶。佢嘅奶茶真係好推薦👍🏻，好滑但又唔會太甜，大家都不妨去試吓。