BBQ Chicken Premium Chicken (Closed)

話係炸雞專門店，不過我地除左食炸雞之外都食左其他野，我地有食一個韓式飯卷拼盤，跟住喊埋個芝士撈麵韓式飯卷都幾多，有趣的是還附送一小盤辣醬和玉米片，可能是作為前菜吧，食落脆脆的，幾好味。但主角都係飯卷，飯卷有四種，包括有八件炸蝦，八件烤肉，八件蟹柳，同八件泡菜。我每隻都有食，炸蝦微脆，蝦肉爽彈，ok。烤肉幾好食，個味道調得唔錯。蟹柳就一般蟹柳，不過韓式飯卷既飯有啲唔同，所以食落同日式蟹柳卷味道道唔同，幾特別。泡菜就唔算太辣，不過都幾香既，泡菜飯卷真係第一次食，幾有趣。有飯卷打底，其實都幾飽，跟住再食邪惡既芝士撈麵，真係一大挑戰。芝士撈麵上面有煎得微焦脆口既煙肉，還有紫菜碎等，我叉左一住黎食，佢啲麵係拉麵黎，十分之爽彈，芝士濃郁，很是掛麵，入口時食到好濃既芝士醬汁同埋彈牙拉麵，熱辣辣，十分好食。不過我地有啲飽，所以食得慢左，最後放涼了小部份就冇甘好食，所以，一定，一定，一定要趁熱食，因為真係好食好多。