Seafood ghost (Closed)

今次黎到第一城呢間seafood ghost，呢間野真係乜都有得食烤魚，火鍋，手抓海鮮都有，真係各式各樣都做得好出色，今次就一於食佢個烤魚la叫左個江團魚，貪呢款魚無乜骨，而且又厚肉，食落真係啖啖肉，條魚都幾大條，2個人食都夠曬數，而且配料都幾多，本人最欣賞佢個紅䓤，同個麻辣味好夾，上枱就已經煮好左的，只需要滾一滾就食得。魚肉表皮好脆，而魚肉又好juicy，真係夠曬好味。麻辣湯底就梗係要配佢個鴨血la，鴨血夠曬大件，而且好鮮嫩，吸曬個魚湯既精華，真係好味。安格斯牛，夠曬厚切，解凍得岩岩好，唔會太硬or太多血水。響鈴夠曬大舊，食落好乾身好脆，夠曬香口，配埋辣湯，好惹味。皇帝菜夠曬新鮮脆綠，而且又大份，正！