深井陳記燒鵝 (Closed)

上星期同屋企人去將軍澳，發現將軍澳站的商場PopWalk 原來開了很多食肆，於是揀咗依間第一次進駐將軍澳的連鎖店試下。我們一行五人六點半到達，等了大約15分鐘便有位。其實這間分店的裝修不錯，我們的卡位也算寛敞，除了有名的燒味比較貴，其他小菜原來也不貴，大多也是七丶八十元。我們點了半隻燒鵝，另外加4個小菜，五個人也吃得很飽，算是抵食之選。其實我沒有去過總店吃燒鵝，但將軍澳分店的真係幾好味，皮脆肉滑又不太肥。北菇扒時蔬，個冬菇好厚身，這個菜大家喜出望外。菠蘿咕嚕肉，不過不失。豉油王鵝腸，懷舊菜好少地方仲有得食，家人至愛，我自己略嫌鹹一點。薑蔥魚雲煲，好味，份量也不少。總體來說，燒鵝好吃，小菜不貴，可以一試。