炑八韓烤 (歐亞銀行大廈) (Closed)

星期日6:00 入座不用等位，三人食，叫了一個王者牛肋骨，有25cm 長，可請店員代為燒，因為真係好難燒，又有條大骨，都係交比專業既好，如果唔係就好浪費舊肉架啦～用左韓式醃法，好似燒汁咁，甜甜地，有少少筋但唔係太un,唔錯唔錯架，每人都食到4-5 塊肉。有點似韓國個間站著吃燒肉既味同質感。又叫左個厚切五花腩，普普通通，不過不失，當然食韓式燒肉五花腩係不可或缺既。試左半份韓牛前胸肉，果真有肉味，食得出韓牛既香，小妹覺得好濟，同行友人就覺得正過牛肋骨，因為佢係唔醃，好重牛香係真既。最後點左甜辣無骨炸雞🍗有薯條伴碟。正正常常啦～讚：前菜同爐邊蛋任fill 個蛋小妹覺得CP值高～怕比友人笑，所以都唔係道道菜有影。