牛摩+ (沙田中心) (Closed)

今次黎到牛魔就梗係試下佢個新出既雙牛套餐喇，估唔到每位$288都食到和牛，仲要係牛頸脊d咁正既部份，簡直係我地呢d牛魔最愛喇。今次個湯底就係香濃椰子雞煲，椰子味都幾重，成個湯底有淡淡既椰香味，配埋d牛黎食就岩曬，因為太重味既湯底就會蓋過左和牛既牛味嫁喇。和牛牛頸脊既雪花分佈夠曬均勻，口感食落就一流，只要刷2下，就夠曬熟度食，入口即溶既感覺，雖然油脂比例好高，但唔算十分之膩，一共食左4，5碟筅夠皮。另外一款牛就係牛小排，油脂比例無咁高，但肉味就相對濃返d，所以都係值得食既，而且切得會厚少少，所以口感都幾唔錯。配料方面，雖然選擇就唔算好多，但樣樣都算幾新鮮，而且質素都幾高，所以幾唔錯。甜品方面，有朱古力雪糕，食落唔算太甜，但朱古力味都幾重，所以都幾唔錯。