樂面牛屋 (Closed)

去完中央圖書館，近近地見到樂面牛屋就心郁郁想食台灣野。餐廳裡面都算寬敞，位都唔少，但係午市時間都已經full哂。最後點左一碗清燉牛肉麵試，午市套餐仲有跟一杯野飲，有珍珠奶茶、綠茶等揀，我就試左養生之選姜母茶飲。清燉牛肉麵：湯底清甜，聞落有陣陣藥材嘅味道，有莞茜，有幾塊牛肉，唔算好焾，係厚實少少嘅口感，麵質係圓圓地條狀嘅，但我見到有其他客人嘅紅燒牛肉麵係扁扁個種，麵亦唔會煮到好焾感。一路食麵都不停飲左好多湯。配埋杯姜母茶十分滿足，暖胃。