九運來粉麵世家 (Closed)

厚福街出名多美食，呢間最近新開張，主打牛腩等多個部位嘅粉麵，即日至15/7仲做緊優惠，$20食到原汁牛腩湯，每人每日限一碗，每日供應數量有限。除此之外更有唔同套餐同小食供應，價錢親民，地點方便，值得到訪一試。一場嚟到要咗個牛三寶，可以試晒唔同部位。牛腩最正，肥瘦適中，肉質軟嫩，咬落即化，而且煮至入味、牛肚吸飽醬汁，帶點口感、牛筋QQ彈彈，有大有細，不過味道較為淡。值得一提嘅係下面鋪滿新鮮生菜，感覺健康，性價比高。除咗早餐下午茶套餐之外，餐廳亦有全日特價飯餐，超級推介呢度嘅冬瓜鴨腿湯飯，鴨腿大塊，淡淡香氣，肉質唔嚡，飯分開上，十分貼心，軟糯可口，而且份量好多，一個大男人食都足夠。