Video
Read full review
2009-07-19
15 views
老公間公司附近開左間新野, 見宣傳單張話有安格斯黑牛片/牛肉粒, 仲有羊扒架, 加埋其他潮州牛丸牛舌牛根, 配埋特式湯底牛奶根清酒雞湯/蕃茄濃骨湯套餐價先至$148, 好鬼抵喎. 我地一家三口好鍾意打邊爐同食牛肉, 一於去食下潮式火鍋.我地6點半左右到達, 唔係好多人, 唔知係老板定係侍應, 就招呼我地坐低, 仲好耐心咁解釋個Menu比我地聽, 結果我地無三心兩意, 一於擇左$148套餐 x 3 位, 湯底就要牛奶根清酒雞湯.呢度有好多種醬料, 我地三個混到七彩, 不過出嚟效果唔錯喎.D野食擺晒係張枱, 先至原來咁鬼多, 大食即啱晒. 我最鍾意係個湯底, 我直情想就咁飲, 心諗佢係唔係放左好多味精, 但係老板(定係侍應?)話佢地D湯底絶對無落味精喎, 係就抵讚呀! 我地飲完D湯, 我問我老公有冇面痕身痕 (因為佢對味精敏感), 佢話無事喎, 咁就應該無落味精.講返D食物, 牛丸好味, 阿仔就最鍾意食安格斯黑牛片, 食左大半碟. 老公就話安格斯黑牛粒好味, 而我就覺得D菜最正, 好似特別甜, (唔通係個湯底影響).我地食到好飽, 但係D牛肉粒同羊扒食唔晒, 老板話不如用試下用炭爐
我地6點半左右到達, 唔係好多人, 唔知係老板定係侍應, 就招呼我地坐低, 仲好耐心咁解釋個Menu比我地聽, 結果我地無三心兩意, 一於擇左$148套餐 x 3 位, 湯底就要牛奶根清酒雞湯.
呢度有好多種醬料, 我地三個混到七彩, 不過出嚟效果唔錯喎.
D野食擺晒係張枱, 先至原來咁鬼多, 大食即啱晒.
我最鍾意係個湯底, 我直情想就咁飲, 心諗佢係唔係放左好多味精, 但係老板(定係侍應?)話佢地D湯底絶對無落味精喎, 係就抵讚呀! 我地飲完D湯, 我問我老公有冇面痕身痕 (因為佢對味精敏感), 佢話無事喎, 咁就應該無落味精.
講返D食物, 牛丸好味, 阿仔就最鍾意食安格斯黑牛片, 食左大半碟. 老公就話安格斯黑牛粒好味, 而我就覺得D菜最正, 好似特別甜, (唔通係個湯底影響).
我地食到好飽, 但係D牛肉粒同羊扒食唔晒, 老板話不如用試下用炭爐燒, 香口D可以食埋佢. 哈, 又幾好玩喎! 阿仔好Enjoy咁燒左15分鍾, 都係食唔晒, 結果, 要打包生既牛肉粒, 羊扒同埋牛舌走, 打邊爐可以以套餐價食到咁飽仲有野包走, 真係第一次.
埋單計數加埋飲品加一, 三個人食左$500元, 算係抵.
可惜今次試唔到佢地D海觧, 下次帶埋阿媽去試下先.
Post