煙燻玉子燒 (Closed)

今日陪男友去荃灣睇醫生，而我男友係玉子燒既忠實粉絲，所以順路就黎試一試哩間玉子燒專門店。一黎到見到都有大概十個人排緊隊，店內人手分配有D亂，所以想黎食既朋友就需要俾D耐性～玉子燒有分凍同熱，熱既就即時煎，需時較長，所以每人只限買兩件。我一來唔想等咁耐，二來習慣食凍既玉子燒，所以就點左兩份凍既玉子燒，一份原味，一份黑糖口味。除左我點既哩兩款口味，佢地仲有蔥，明太子，紫薯，蘋果等口味可以選擇。雖然我地叫左有現貨既凍玉子，但係都等左十幾分鐘，連埋一開始排隊等落order，大概20分鐘先攞到我地既玉子。店員會響盒蓋既洞口灌入煙燻，然後用貼子封口。店員亦會細心提醒客人靜待3分鐘等煙燻滲入玉子後先再享用，所以記得唔好急著食阿！一打開就聞到好香煙燻味，D蛋完全唔會老好輕易就可以切開，玉子非常軟滑，有D食緊燉蛋既感覺。我男友非常欣賞佢地既黑糖玉子，非常香既黑糖味帶少許甘，配埋本身已經有甜味既玉子，真係好搭！ 而喜歡蛋味濃既就可以考慮食原味，可以清楚品嚐出蛋本身既香味，同埋蛋裡面既水潤質地。個人覺得兩款口味各有特色。雖然需要等比較耐，價格亦稍高，但如果好似我男友一樣好鍾意食玉子既朋友，真心推薦可以黎試一