Miss Tira

Open Now

Now Closed

最近我留意到喺南豐中心原來有一間手工提拉米蘇店，雖然店舖就唔係好大，但都有差唔多成10種口味嘅提拉米蘇賣。熔岩朱古力淨係睇到佢個賣相都已經覺得好吸引，表皮係一層朱古力脆脆，入口成個提拉米蘇嘅質地都非常之柔軟，加上上面啲cream入口又唔會覺得太過油膩。海鹽焦糖蜜栗子香甜嘅焦糖中間帶少少海鹽嘅鹹香味，入口覺得成個配搭都幾清新，真係令人忍唔住食完再食呀。草莓芝士奶蓋草莓非常之香甜可口，芝士奶蓋帶少少鹹味，中和到提拉米蘇嘅甜味。楊枝甘露一款口味非常獨特，係本地嘅傳統味道。整體來講，我覺得店主嘅製作非常之有心思，每一款嘅提拉米蘇，都有佢自己嘅特色。