正宗上海生煎皇 (Closed)

之前已經聽過呢度既生煎包出名好好味，所以今次午餐就嚟咗食。我同朋友分別叫咗兩個午餐，套餐配搭係一個主食同一個小食。我叫咗擔擔麵配雞絲粉皮，朋友就叫咗上海排骨菜飯配生煎包，價錢大約＄60。擔擔面係比較港式嘅味道，我喜歡花生醬較濃嘅湯底，但呢度嘅就比較浠， 但味道都OK。個雞絲粉皮就好重麻醬味，作為餐前小食唔錯。朋友個上海排骨係有少許糖醋嘅感覺，甜甜酸酸，配上菜飯減低油膩感。重頭戲三煎包的確冇令人失望，一咬就差啲俾佢嘅肉汁辣親嘴唇，都話裏面真係有好多汁，熱辣辣，非常好味。