慶記 (Closed)

慶記前身係大角咀慶麵，小舖搬大舖，而家坐得舒服咗，又唔使好似以前咁要經常排隊。兩個人想食上海野既話，呢間係唔錯既選擇，因為佢哋嘅生煎包、鍋貼同小籠包都有2隻份量選擇。其中我覺得生煎包最好，即叫即煎熱辣辣，包底煎得好香脆，咬開會爆汁。佢有普通生煎包同叉燒生煎包揀，兩種都好味，叉燒生煎包味道略甜。另外麻醬撈麵都係佢哋嘅招牌菜。今次我叫咗豬扒湯麵，麵質ok，湯底比較淡，配有一舊大蘿蔔同三個豆腐卜。豬扒炸得唔錯，好鬆化。