林昌記 (Closed)

幫林昌記打響名堂嘅一定係兩三年前嘅深水埗桂林夜市！我亦係夜市人龍中嘅其中一人！今日再食，同當年喺夜市食嘅味道一樣，魚蛋無因為出咗名而質素下降！雖然佢亦有賣咖哩魚蛋（白魚蛋加咖哩汁），但我還是比較喜歡食油炸原味白魚蛋，外層有一點點嘅炸油包裹住，有油香味，但食落唔會有油膩嘅感覺，魚蛋好有魚味，而且好彈牙！就咁食已經好好味，不過我就鍾意加埋辣椒油一齊食，比較惹味啲！