留家廚房

Open Now

Now Closed

最近同屋企人嚟慶祝生日，估唔到原來依間餐廳咁好食！由於我哋想食到自己想食嘅餸，所以我哋五個人無叫套餐，而係散叫。一共叫咗七個餸。雖然地方有啲隔涉，唔近地鐵站，但嗰晚都好多客人，但店員都好好服務，唔會話好難先叫到佢哋落單或添茶。個涼拌醉鮑魚好重酒味，但鮑魚整得好夠林，用刀叉一切就食得。另外個雞好新鮮，好有雞味同埋肉質好滑。個五花腩唔會太肥，因為有好多時肥到油淋淋嗰種好難入口，但依個唔會，攞嚟送飯一流！之後到太史戈渣，我都真係未試過，原來咁好味，外脆內軟。最最最好味係個鳳凰焗魚腸，我都真係唔知佢點整，但入口即溶，好好味啊！價錢唔算平，都真係中上，但食完之後都會覺得佢係有原因收咁貴。我覺得同老人家食生日飯真係唔錯，但如果平日嚟嘅話就可能略嫌少貴喇。