富士山 (Closed)

今日早放工，於是決定喺銅鑼灣食個快飯。行過金百利，見到有間日本菜新開，於是就上去望望。因為時間關係，上到去係一個人都冇嘅，好安全，哈哈。環境整體黎講好乾淨好企理，店員亦會主動幫你量體溫，消毒雙手。呢間鋪主打係魚生丼，有好多唔同種類嘅丼可以選擇，我最後揀咗同鋪頭同名嘅富士山丼，嗰丼同喺餐牌上面見到嘅一樣，好多唔同種類既魚生，視覺效果好豐富。碗丼樣樣材料都好新鮮，其中個拖羅係絕對冇得輸，入口即溶，之後成個口都係嗰浸油香味。另外個海膽、三文魚子亦都好鮮味。鋪頭亦都有刺身、壽司、手卷、串燒同埋唔少熱盤可以選擇，我就叫咗個海蜇做前菜，之後加多2件壽司同埋一個桃汁。其中個火炙a4和牛壽司好好味，燒得啱啱好，半生半熟，嗰牛肉味出晒嚟，正！