Video
Read full review
2020-11-10
66 views
今日去咗奧海城行街，下午茶時間想食泰國嘢，搵到呢間叫泰爸爸嘅餐廳。我好鍾意佢嘅環境，因為可以揀喺露天出邊坐，好適合而家秋天嘅天氣可以坐喺出邊chill下，但又唔會熱。泰爸爸平時午飯時間係坐滿人嘅，所以我揀2:30時段先去。我同朋友各自叫咗一個下午茶餐，另外我哋散叫咗一個泰式拼盤，拼盤有炸蝦餅、炸魚餅、春卷同埋串燒雞各兩串。呢個拼盤非常之好味，春卷嘅皮非常之脆，入面嘅餡料都好入味。串燒雞都值得一讚🤩🤩雞肉非常之嫩滑，肉質完全唔乾，好惹味～～炸蝦餅同炸魚餅都好好味，好新鮮，唔會有腥味。我非常推薦泰爸爸嘅下午茶餐！因為真係非常之咁抵食🤩🥰😍$40一個下午茶餐，仲會送飲品，凍檸茶凍檸水都唔使額外加錢。我同朋友分別叫咗香茅雞翼湯粉同埋生牛肉湯粉，我哋選擇加$8要泰式飲品-珍多冰。店員上菜速度好快，兩碗湯粉好快都送到黎。雖然呢個係下午茶餐，但係份量唔會好細，依然都係咁大碗！🤩所以真心推薦！！非常抵食。🙌🏻🙌🏻呢個下午茶餐唔止抵食，仲要係好好味🤤因為佢個湯底味道非常濃郁，鹹甜適中，所以令到湯粉非常入味。香茅雞翼都好好味，肉質非常嫩滑～～另外我朋友點嘅生牛肉湯河都非常足料，牛肉非常新鮮，肉質好滑，好易
我好鍾意佢嘅環境，因為可以揀喺露天出邊坐，好適合而家秋天嘅天氣可以坐喺出邊chill下，但又唔會熱。
泰爸爸平時午飯時間係坐滿人嘅，所以我揀2:30時段先去。我同朋友各自叫咗一個下午茶餐，另外我哋散叫咗一個泰式拼盤，拼盤有炸蝦餅、炸魚餅、春卷同埋串燒雞各兩串。
呢個拼盤非常之好味，春卷嘅皮非常之脆，入面嘅餡料都好入味。串燒雞都值得一讚🤩🤩雞肉非常之嫩滑，肉質完全唔乾，好惹味～～炸蝦餅同炸魚餅都好好味，好新鮮，唔會有腥味。
我非常推薦泰爸爸嘅下午茶餐！因為真係非常之咁抵食🤩🥰😍$40一個下午茶餐，仲會送飲品，凍檸茶凍檸水都唔使額外加錢。
我同朋友分別叫咗香茅雞翼湯粉同埋生牛肉湯粉，我哋選擇加$8要泰式飲品-珍多冰。
店員上菜速度好快，兩碗湯粉好快都送到黎。雖然呢個係下午茶餐，但係份量唔會好細，依然都係咁大碗！🤩所以真心推薦！！非常抵食。🙌🏻🙌🏻呢個下午茶餐唔止抵食，仲要係好好味🤤因為佢個湯底味道非常濃郁，鹹甜適中，所以令到湯粉非常入味。香茅雞翼都好好味，肉質非常嫩滑～～
另外我朋友點嘅生牛肉湯河都非常足料，牛肉非常新鮮，肉質好滑，好易入口。
唔敢相信一個下午茶餐$40會咁高質🥰🤟🏻🤟🏻我同朋友都係唔鍾意食蔥嘅，所以呢兩碗湯粉都係走蔥走芽菜，店員都好有禮貌幫我哋記低要求。
呢個下午茶餐食得好開心，因為感覺好似去咗泰國旅行，可能係坐喺露天嘅關係啦！感覺好清涼好舒服，而且食住一啲熱辣辣嘅美食，飲住杯椰子味十足嘅珍多冰🥥好滿足！！
非常推薦喺奧海城附近工作或者係去奧海城行街嘅朋友仔，一定要試吓呢間泰爸爸餐廳！🤤🤤
Post
