馬祖 (海之戀商場)

Open Now

Now Closed

又黎左荃灣買野，順便食個下午茶先，見馬祖個藥膳湯幾吸引，就入左黎試試。餐廳晚上做火鍋放題，所以午市餐牌到三點半就截單，想食就早少少入座了。好肚餓，一坐低即刻點左藥膳古早牛肉湯飯+麻辣白菜豬肉餃。一點就上菜好明顯係煮定好嘅，但個藥膳湯仲幾熱喎，湯底濃郁香噴噴。牛腩炆得軟腍入味，帶少許脂肪位有牛油嘅甘香，好味。蘿蔔鮮甜無渣，好正。可以揀配米粉米線等，但是日想食飯，藥膳湯撈飯都唔知幾正，飯連湯一滴都無淨，完全食哂。白菜餃有五隻，都幾大隻吖。麻辣汁對胃，少少麻少少辣，餃子皮厚肉鮮，是我喜歡的類型，好食。食晒兩樣啱啱好，飽飽了去買野啦～