Sense Cafe (Closed)

四個人一齊去佐敦Sense Cafe食晚飯，我哋叫咗一份二人餐，再加一個晚餐，二人餐包括餐湯蘑菇湯，芝士蟹肉釀蘑菇，炸洋蔥圈德國脆皮鹹豬手，香煎大蝦番茄雜菜，精選沙律，仲有熱情果茶，整體份量足，相當夠食。晚餐，泰式燒春雞半隻 $72，份量足夠一個人食，鷄皮脆脆哋，肉質又嫩又有汁，有雞味，食得過。仲有邪惡薯蓉墊底，薯蓉幾滑口，相信都落咗唔少牛油，好食的確是不太健康。二人餐 $388，最出色是 脆皮豬手，啲皮真係幾香脆，肉又腍又滑，加埋啲酸菜拌碟，令豬手冇咁油膩，酸酸甜甜又開胃，I like it另外，大蝦意粉，啲開邊蝦都幾大隻，新鮮彈牙，唯分量少了點。餐湯雖然凍咗少少，味道濃郁，有啲蘑菇碎 有咬口，加咗忌廉，又再香滑D。炸洋蔥圈正正常常。芝士蟹肉釀蘑菇，個底都有啲薯蓉添，食得多有D漏漏地，蘑菇焗完之後加上溶化芝士，同埋忌廉，相當野味。廚師沙律新鮮脆口，不錯。百香果花茶，凍飲加 $4， 味道相對並不太突出。總的來說整個餐也不俗，可以再約朋友反兜再食。