樓下冰室

Open Now

Now Closed

今次兩個人係鰂魚涌，見到依間樓下冰室裝修幾靚，所以就入去試下。一入到黎裝修就比人覺得好懷舊，又夠光猛，好舒服。咁依到好似瑞士汁好出名，所以就叫左有瑞士汁既野食。先黎既係樓下三寶飯，上面有一隻煎蛋，一隻瑞士雞全翼，一舊免切叉燒。真係要讚下隻瑞士雞全翼，我自己好少食到咁入味既瑞士雞翼，好多都係得個皮有味，依到可以做到外到內都咁入味，仲要隻雞好滑，唔會老哂，真係好好食。個免切叉燒都好正，成舊唔用刀就咁咬，別有一番風味！仲要個叉燒又係好夠味，內外與一，唔會入面無哂味，正！之後就係招牌胡椒豬肚滑雞泡飯。個胡椒豬肚湯真係好正，胡椒味好勁，豬肚既味都夠出。佢個飯都好足料，豬肚同雞都有勁多，全部都好入味，個雞都好滑。泡飯唔會太硬，夠淋，每啖都有胡椒豬肚味，真係好正。德國什腸，咁咩腸都有Ｄ，都係岩岩煎好，好熱，仲要個邊幾脆，所以都幾好食，份量好彩唔係太多，否則應該會食唔哂。炸韭菜餃子，咁佢就有８隻，又係岩岩炸起，好熱好脆，彩佢唔會太油，入面料都好多，加埋夠香口，所以真係好好食！最後叫左兩杯野飲，新鮮菠蘿冰同綠椰冰。新鮮菠蘿冰既菠蘿味唔會係個Ｄ好假既菠蘿味，真係用左新鮮菠蘿去整，所以好fresh。個綠椰冰