BLT Burger (Closed)

今晚同朋友喺海港城食飯，經過呢一間餐廳見到條隊比平時短好多，等左15分鐘就入得。德州墨西哥漢堡：我同朋友都中意墨西哥菜，當然要點呢款漢堡。食落同墨西哥菜一樣惹味，加上醃Jalapenos辣味，下次黎會再點。澳洲和牛漢堡：呢個漢堡重點當然係塊和牛扒，煎得剛好，入面仲係粉紅色，好juicy。漢堡仲有塊煙肉,食多到一半左右有D膩。粗薯條：新鮮炸起熱辣辣，粗薯條食落比普通薯條更加有滿足感。炸洋蔥圈：一樣熱辣辣，好脆口，粉漿唔會好厚，炸ge時間適中，所以洋葱唔會太腍。總括而言，中意食漢堡/美式快餐必試，建議可以多D人一齊share。