金仔米缐

Open Now

Now Closed

香港食米線嘅地方好多，我老公超鍾意呢間金仔米線，一個禮拜最少去食兩至三次。呢間金仔喺禾輋，以前陳根記大排檔的位置，地方闊落，坐得非常舒服。今次去我同老公都嗌咗胡椒豬肚雞米線，我哋鍾意佢夠重胡椒味，夠辣、唔錯。因為太餓了，小食方面嗌咗個蒜泥白肉、川味皮蛋同埋酥炸雞軟骨。味道方面，三個小食都叫做不過不失，OK啦！餐廳夜晚仲有烤魚同雞煲，都有幾多捧場客。我哋去嗰晚就有幾台年青人，睇佢哋似乎都食得幾開心，餐牌上價錢亦都唔貴，如果揸車嚟仲可以泊喺隔離嘅禾輋商場（食夠$200可以泊三個鐘），十分方便，嚟開呢度可以考慮喺度開餐。