五福園

Open Now

Now Closed

一向食開布拉腸粉，呢啲皺皮腸粉比較少見，潮州，台山同廣州都好常見，以前要食，就要返深圳。呢款皺皮腸粉，唔係食滑的，第一次食，見店員係即叫即整，喺不鏽鋼盤淋上米漿，再加生雞蛋(或 肉碎 或豬潤)，蒸兩蒸，攞出來，用筷子了兩了，整到皺皮，淋啲豉油汁，就上碟。腸粉皮偏薄，以為會好滑，但食第一啖就知，同布拉腸粉口感好唔同，我當時覺得好Raw好粗糙，腸粉偏乾，比平時食開的腸粉鞋口，但入口第一下就停唔到，因為米香味強烈，皺皮腸粉咬落唔黏口，咬感有啲彈。食過幾次五福園，個蛋香味係好大陸嗰隻，腸粉米香亦濃，口感亦有少少咬勁，個人覺得係香港最正宗大陸皺皮腸粉隻味。