呦呦鹿鳴布丁燒

Open Now

Now Closed

有幸我家住附近開咗一個WhatsApp群組，集體團購呢一間布丁店送到我家附近。今日我試咗原味布甸同埋朱古力布甸，布甸賣相好靚，上面印咗一隻鹿仔。布甸好滑，最底層有一層焦糖，中間就係一層布甸，上面就係一層蛋糕。講吓嗰層焦糖，味道不會太甜，布甸朱古力味很濃，而原味好香濃雞蛋味有雲呢拿籽，超級滑，配上面一層濕潤嘅蛋糕。之前試過類似嘅蛋糕布甸，我覺得呢間比較好味，因為蛋糕同埋布甸嘅比例差唔多一比一，食到布甸同時間又有啲咬感。而家焦糖汁又唔會太少，所以一路食啲焦糖汁就濕潤個蛋糕。整體來說所有配搭很棒，5分我會比5分滿分佢。