Video
Read full review
2020-02-04
60 views
銅鑼灣餐廳林立，要搵好嘢食一啲都唔難。今日同朋友提早慶祝聖誕節，就喺Instagram見到一間無論係環境定係食物都好睇得下嘅Cubus 28！除咗一般嘅餐牌之外，當日仲有試食餐單，雖然規範左食物款式，但係由前菜、餐湯去到甜品都有唔少嘅選擇。等待緊食物嘅途中，見到餐廳原來有條樓梯上天台，係晚飯時間過後，都見到唔少客人上去飲嘢，相信係roof top bar，好chill嘅感覺。首先嚟到嘅係兩款餐湯。第一款係龍蝦湯，呈鮮橙色，質感濃稠，遠處已經聞到鮮香味道。湯入面都有龍蝦肉絲，不過我同朋友都覺得比較濃味。另外一款就係黑松露蟲草花野菌湯。蟲草花浮於餐湯之上，野菌湯口感並無龍蝦湯咁杰身，反而更加清爽，驚得我歡心。前菜就有海膽牛油果藜麥蟹肉沙律。一個非常清新嘅配搭，quinoa做base，上面有蟹肉絲，然後再舖上打碎左嘅牛油果肉。最頂仲有少少海膽。呢份沙律嘅賣相別緻，亦非常refreshing，作為頭盤都幾開胃。之後有兩份造型特別嘅點心。其中一份係賣相似南瓜嘅鹹水角，另一份係用料特別嘅燒賣。前者咬落香脆，而裡面都仲帶點軟糯，加埋鹹香滿溢嘅肉粒，都幾有卓頭。後者有一份普通嘅燒賣，演變成fusion
除咗一般嘅餐牌之外，當日仲有試食餐單，雖然規範左食物款式，但係由前菜、餐湯去到甜品都有唔少嘅選擇。
等待緊食物嘅途中，見到餐廳原來有條樓梯上天台，係晚飯時間過後，都見到唔少客人上去飲嘢，相信係roof top bar，好chill嘅感覺。
首先嚟到嘅係兩款餐湯。第一款係龍蝦湯，呈鮮橙色，質感濃稠，遠處已經聞到鮮香味道。湯入面都有龍蝦肉絲，不過我同朋友都覺得比較濃味。
另外一款就係黑松露蟲草花野菌湯。蟲草花浮於餐湯之上，野菌湯口感並無龍蝦湯咁杰身，反而更加清爽，驚得我歡心。
前菜就有海膽牛油果藜麥蟹肉沙律。一個非常清新嘅配搭，quinoa做base，上面有蟹肉絲，然後再舖上打碎左嘅牛油果肉。最頂仲有少少海膽。呢份沙律嘅賣相別緻，亦非常refreshing，作為頭盤都幾開胃。
之後有兩份造型特別嘅點心。其中一份係賣相似南瓜嘅鹹水角，另一份係用料特別嘅燒賣。前者咬落香脆，而裡面都仲帶點軟糯，加埋鹹香滿溢嘅肉粒，都幾有卓頭。後者有一份普通嘅燒賣，演變成fusion菜式，加入左海膽同埋魚子之後，變得鮮味十足，有畫龍點睛嘅感覺！
而當晚嘅亮點，就係西班牙伊比利亞黑毛豬豬鞍。豬鞍大概七至八成熟，切落去仲見到豬肉粉嫩，呈淡淡粉紅色。果然食落都非常細軟多汁，豬味香濃，比起坊間食到嘅黑毛豬更為軟滑，我哋都讚不絕口。
西班牙伊比利亞黑毛豬豬鞍
6 views
0 likes
0 comments
西班牙伊比利亞黑毛豬豬鞍
17 views
0 likes
0 comments
Post
